Kegiatan Bulan Bahasa Bali Desa Sekartaji Tahun 2021 sudah berjalan dengan lancar 

berikut susunan acaranya berupa teks naskah yaitu:

MC BULAN BAHASA BALI

Om swastiastu,

Inggih Majeng Ring Bapak Perbekel Desa Sekartaji Sane Dahat Bhaktinin titiang

Majeng Ring  Jero Mangku Sane Suciang Titiang,

Majeng Ring Jero Bendesa sajebag Wewidangan Desa Dinas Sekartaji sane wangiang titiang.

Sane kusumayang titiang majeng ring Bapak Ketua BPD Desa Sekartaji.

Penyuluh Bahasa Bali Desa Sekartaji sane wangiang titiang

Para uleman sami naler sane wangiang titiang

Yowana lan Alit –alit maka sami pamilet Bulan Bahasa Bali sane tresna sihin titiang,

Sangkaning asung kertha waranugraha Ida Sang Hyang Widi Wasa iraga prasida ngamargiang parikrama Bulan Bahasa Bali ring rahina Sukra tanggal nemlikur sasih Februari warsa kalih tali Salikur

Swasti prapta atur titiang ring genah Pamungkah Bulan Bahasa Bali Kalih Tali Salikur ring Desa Dinas Sekartaji. Dumogi prasida labda karya manggih karahyuan.

Pinaka murdaning Parikrama Bulan Bahasa Bali Puniki Inggih Punika “Malarapan Bulan Bahasa Bali “Wana Kerthi – Sabdaning Taru Mahottama”.

Inggih ratu ida dane sane wangiang titiang, sane mangkin tincapang titiang antuk acara salanturnyane inggih punika nembangang tembang Indonesia Raya, antuk punika titiang nunas majeng ring ratu ida dane mangda ngadeg ajebos. Majeng ring sang sane kasudi durusang ngrereh genah sane kacumawis.

…………..............LAGU INDONESIA RAYA…..........………….

Inggih ida dane katunas mangda Kantun ngadeg. Sane mangkin pacang kalanturang antuk ngrastiti bhakti majeng ring ida sanghyang widhi wasa, sane polih amongan, galah aturang titiang, inggih durusang!

……………..............………..DOA ….....……………......……….

Acara selanturnyane, titiang nunas majeng ring Bapak Perbekel Desa Sekartaji sumangdane ledang ngicenin sambrahma wacana turmaning prasida mungkah parikrama “BulanBahasa Bali Kalih Tali Salikur” ring  Desa Dinas Sekartaji. Majeng ring Dane Bapak Perbekel, inggih durusang!

...........……SambramaWecana BapakPerbekel …...........……

Matur suksma majeng ring Dane Bapak Perbekel sane sampun mapaica sambrahma wacana ring galahe kadi mangkin turmaning sampun parama ledang mungkah acara puniki pinaka cihna parikrama “Bulan Bahasa Bali Kalih Tali Salikur” ring Desa Dinas Sekartaji sayaga pacang kakawitin.

Inggih ratu ida dane sane wangiang titiang, rauh iriki titiang prasida ngiringang ring sajeroning pamungkah parikrama “BulanBahasa Bali Kalih Tali Salikur”. Suksma aturang titiang antuk sapangrauh ida-dane ring genah parikrama puniki.

 Geng pengampura atur titiang antuk kawentenan genah sane prasida katur lan sapa sanggranyane. Pinih panguntat atur titiang, puputang titiang antuk paramasanti,

Om santhi santhi santhi om

Inggih ida dane durusang nincapang pariboga sane prasida katur.

Para pamilet Utsawa / wimbakara miwah para tim panureksa tunas titiang mangda nyiyagayang piranti.

1. Utsawa/Wimkara Nyurat Aksara Bali

2. Utsaha/Wimkara Ngwacen Aksara Bali